Bərdədə “23 iyun-Beynəlxalq Olimpiya günü”nə həsr olunmuş diskussiya
24-06-2016, 18:52
Oxunub: 3 851
Gənc idmançılar diskussiyalara qoşularaq fikirlərini bildirdilər
23 iyun 2016-cı il tarixdə Bərdə Olimpiya İdman kompleksində Gənclər və İdman İdarəsinin təşkilatçılığı ilə veteran idmançıların və gənclərin iştirakı ilə “23 iyun-Beynəlxalq Olimpiya günü”nə həsr olunmuş diskussiya keçirilmişdir.
Tədbiri giriş sözü ilə Gənclər və İdman İdarəsinin rəis müavini, Fəxri Bədən Tərbiyəsi və İdman işçisi Tahir Quliyev açaraq ölkəmizdə geniş vüsət alan olimpiya hərəkatından, yüksək səviyədə təşkil olunan və keçirilən I Avropa Oyunlarından, ”Formula-1” yarışlarından, ölkə rəhbərliyinin gənclərin hərtərəfli inkişafına, idman infrastrukturunun və idmanın müxtəlif növlərinin inkişafına göstərilən diqqət və qayğıdan danışdı.
Respublikanın əməkdar məşqçisi,veteran futbolçu Şakir Cəfərov Bərdə idmançılarının qazandığı nailiyyətlərdən, rayon gənclərinin əzmkarlığından və olimpiya idman hərəkatına sədaqətindən danışdı.
Sərbəst güləş üzrə məşqçi, Fəxri Bədən Tərbiyəsi və İdman işçisi, idman ustası Hümbət Ağayev, Bərdə komandasının məşqçisi, idman ustası Nadir Muxtarov rayon gənclərinin idmana marağından və rayonda həyata keçirilən gənclər siyasətinin müsbət nəticələrindən danışdılar.
UGİM-nin direktoru, Fəxri Bədən Tərbiyəsi və İdman işçisi Lətif Məmmədov, futbol üzrə məşqçi müəllim, idman ustalığına namizəd Vaqif Süleymanov rayonda uşaq futbolunun inkişafından, əldə edilən uğurlardan, istedadlı gənc futbolçuların Qəbələ Futbol Akademiyasına və Təhsil Nazirliyinin “Vətən” Futbol məktəbinə qəbul olunmalarından danışdılar. Gənc idmançılar diskussiyalara qoşularaq fikirlərini bildirdilər.
Tədbiri yekun sözü ilə Gənclər və İdman İdarəsinin rəis müavini Tahir Quliyev bağlayaraq bundan sonra da gənclərin və idmançıların dövlətin diqqət və qayğısı ilə əhatələnəcəyini vurğuladı.
Bolgexeber.com
Çox Oxunanlar
- 30-03-2024, 18:40 : Kəlbəcərdə silah- sursat aşkarlandı
Xəbərlər / Ölkə
- 6-04-2024, 16:31 : İlham Əliyev sərəncam imzaladı
Siyasət / Xəbərlər
- 13-04-2024, 17:21 : "20 Yanvar" faciəsinin şahidi sökülür?
Xəbərlər / Ölkə
- 25-03-2024, 17:57 : Terror aktından sonra bu şəxslərə nəzarət gücləndirildi
Dünya / Xəbərlər
- 26-03-2024, 17:50 : 14 yaşdan kiçiklər üçün sosial media qadağası
Sosial / Xəbərlər
- 28-03-2024, 13:36 : Məktəblərə işə qəbul üzrə təkrar müsahibə keçiriləcək
Xəbərlər / Ölkə
- 20-04-2024, 17:53 : Bu avtobuslardan istifadə edənlərin NƏZƏRİNƏ
Xəbərlər / Ölkə
- 10-04-2024, 15:42 : Misir Mərdanovun səhhətində problem yarandı
Xəbərlər / Ölkə
- 9-04-2024, 17:54 : Türkiyədə ən çox dinlənilən qadın müğənni oldu
Şou-Biznes / Xəbərlər
- 25-03-2024, 17:47 : Zamiq Hüseynov: “Kiminsə sözü məni narahat etmir”
Şou-Biznes / Xəbərlər