BolgeXeber.Com » Bölgə » Füzulidə taxılçılıq, pambıqçılıq və baramaçılığın inkişafına xüsusi diqqət yetirilir - FOTOLAR

Füzulidə taxılçılıq, pambıqçılıq və baramaçılığın inkişafına xüsusi diqqət yetirilir - FOTOLAR

13-03-2017, 10:37
Oxunub: 2 967 Füzulidə taxılçılıq, pambıqçılıq və baramaçılığın inkişafına xüsusi diqqət yetirilir - FOTOLARRayonda istehsal olunacaq ərzaq buğdasının Dövlət Taxıl fonduna tədarük olunması nəzərdə tutulur

Prezident cənab İlham Əliyevin respublikada kənd təsərrüfatının inkişafı, yerli istehsalın artırılması, əhalinin məşğulluğunun bu sahələrin hesabına təmin olunması barədə verdiyi tapşırıqlara uyğun olaraq Füzuli rayonunda strateji məhsul olan taxılçılıq, pambıqçılıq və baramaçılığın inkişafına xüsusi diqqət yetirilir, məhsul bolluğu yaradılması istiqamətində ciddi işlər görülür. Bu məqsədlə Füzuli rayon İcra Hakimiyyətində aidiyyəti xidmət təşkilatlarının, icra nümayəndələrinin, bələdiyyə sədrlərinin və kənd təsərrüfatı üzrə mütəxəssislərin iştirakı işə müşavirə keçirilmişdir.

Bolgexeber.com xəbər verir ki, müşavirədə çıxış edən rayon İcra Hakimiyyətinin başçısı Alı Alıyev bildirib ki, ölkə başçısının tapşırıqlarına uyğun olaraq rayonda taxılçılığın inkişafına xüsusi diqqət yetirilir. Belə ki, Ölkə başçısının kənd təsərrüfatı ilə bağlı təsdiq etdiyi Strateji Yol Xəritəsinə uyğun olaraq artıq rayonda 4000 ha ərazidə hər biri 1000 ha olmaqla 4 iri fermer təsərrüfatı yaradılıb, 2700 ha sahədə Aqropark yaradılıb, 500 ha ərazidə isə iri toxumçuluq təsərrüfatının, əlavə 1200 ha sahədə isə kənd təsərrüfatı məhsulları istehsal edəcək iri fermer təsərrüfatının yaradılması istiqamətində iş aparılır.

Ümumiyyətlə 2016-2017-ci təsərrüfat ilində rayonda 36082 ha ərazidə taxıl əkini aparılıb ki, bunun da 24838 hektarı buğda, 11244 hektarı isə arpadır. Rayonda istehsal olunacaq ərzaq buğdasının Dövlət Taxıl fonduna tədarük olunması nəzərdə tutulur.

Alı Alıyev qeyd edib ki, bu il rayonda 2050 hektar sahədə pambıq əkilməsi üçün yerlər müəyyənləşdirilib, pambıq əkiləcək sahələrdə şum aparılıb. Pambıq əkiləcək 2050 ha sahənin 800 hektarı MKT ilə, 90 hektarı ÇTZ ilə 1160 hektarı isə Kənd Təsərrüfatı Nazirliyi ilə müqavilə bağlanılıb.

Bildirilib ki, 2017-ci ildə rayonda 30 tona yaxın barama istehsal olunması nəzərdə tutulub. Artıq rayonda 50 minə yaxın çəkil ağacı əkilmiş, ipəkqurdu saxlayacaq kümçülər müəyyənləşdirilmişdir. Kümçülərlə yerlərdə görüşlər keçirilimiş onlara lazımı köməklik göstərilmişdir.

Alı Alıyev müşavirədə aidiyyəti təşkilatlara pambıq əkini ilə bağlı şumun mart ayının sonuna kimi başa çatdırılmasını, pambıq əkininin nəzərdə tutulmuş vaxtda aparılması ilə bağlı tapşırıqlar verib. O, cümlədən ipəkqurdu saxlayacaq kümçülərlə yerlərdə bir daha görüşlər keçirilməsini, barama saxlanılacaq yerlərə baxış keçirilməsini tapşırıb.

Müşavirədə həmçinin rayon sakinlərinin həyatyanı və pay torpaqlarından səmərəli istifadə etməsi, əhalinin kənd təsərrüfatı məhsullarına olan tələbatlarının özlərinin istehsal etdikləri ekoloji təmiz məhsullarla ödənilməsi ilə bağlı məsələlər də müzakirə olunub.

Müşavirədə bildirilib ki, rayonda taxılçılıq, pambıqçılıq, baramaçılığın inkişaf etdirilməsi, əhalinin həyatyani və pay torpaqlarından səmərəli istifadə etməsi ilə əhalinin məşğulluğu təmin olunacaq, onların sosial rifah halları daha da yaxşılaşdırılacaqdır.
Füzulidə taxılçılıq, pambıqçılıq və baramaçılığın inkişafına xüsusi diqqət yetirilir - FOTOLAR
Füzulidə taxılçılıq, pambıqçılıq və baramaçılığın inkişafına xüsusi diqqət yetirilir - FOTOLAR
Füzulidə taxılçılıq, pambıqçılıq və baramaçılığın inkişafına xüsusi diqqət yetirilir - FOTOLAR
Füzulidə taxılçılıq, pambıqçılıq və baramaçılığın inkişafına xüsusi diqqət yetirilir - FOTOLAR
Füzulidə taxılçılıq, pambıqçılıq və baramaçılığın inkişafına xüsusi diqqət yetirilir - FOTOLAR
Füzulidə taxılçılıq, pambıqçılıq və baramaçılığın inkişafına xüsusi diqqət yetirilir - FOTOLAR
Füzulidə taxılçılıq, pambıqçılıq və baramaçılığın inkişafına xüsusi diqqət yetirilir - FOTOLAR
Füzulidə taxılçılıq, pambıqçılıq və baramaçılığın inkişafına xüsusi diqqət yetirilir - FOTOLAR