Toy 3 saatdan artıq davam edə bilməz!.. - Rəsmi
12-08-2017, 17:11
Oxunub: 3 066
Oğlan uşaqları doğulduqdan sonrakı 20 gün ərzində tibb müəssisələrində pulsuz olaraq sünnət edilməlidir...
Moderator.az-ın bir qədər öncə xəbər verdiyi kimi, Tacikistan prezidenti İmamali Raxman parlamentə “Ənənə, şadlıq və mərasimlərin tənzimlənməsi haqda” Tacikistan Respublikası qanununa dəyişiklik və əlavələrin edilməsi barədə” qanun layihəsini təqdim edib. Layihədə əhalinin maraqlarının qorunmasına, israfçılığın qarşısının alınmasına yönəlmiş olduğu iddia edilən bir sıra yeni normalar daxil edilib. Buraya Ramazan və Qurban bayramlarında geyim tərzindən, oğlan uşaqlarının sünnət edilməsindən nişan, toy, eləcə də yas mərasimlərinədək – bir çox tədbir və ənənələrə toxunulmuşdur.
Artıq bundan sonra ölkədə sünnət mərasimlərinin yalnız ailə daxilində, incəsənət xadimlərinin iştirakı olmadan keçirilməsi təklif olunur. Eyni zamanda valideynlərinin rəsmi razılğıyla oğlan uşaqlarının doğulduqdan sonra 20 gün ərzində tibb müəssisələrində pulsuz olaraq sünnət edilməsi nəzərdə tutulur.
Toyların tənzimlənməsi haqda mövcud qanunun 10-cu maddəsinə də dəyişikliklər edilib.
Azərbaycandakı “hə” verilməsi, nişan, “yol kəsilməsi”, “3 günlük”, ”ayaqaçdı” və s. tipli aralıq şadlıq mərasimləri yasaqlanır. Layihəyə əsasən toy mərasiminin sahibi və tədbirin keçirildiyi şadlıq evi, kafe, restoran və s. iaşə müəssisələrinin rəhbərləri mərasim iştirakçılarının sayının qanunla müəyyən edilmiş həddi aşmasına və vaxt məhdudiyyətinin pozulmasına görə məsuliyyət daşıyırlar. Toy, eləcə də yas mərasimi 3 saata yekunlaşmalıdır. Dəfn və yas mərasimlərini tənzimləyən maddəyə də ciddi dəyişikliklər edilib. Bundan sonra dəfn və yas günündə heyvan kəsilməsi, xörək verilməsi, eləcə də, “3”, “40” və “il” mərasimlərinin keçirilməsinin yasaqlanacağı gözlənilir.
P.S. Tacikistan lideri İmamali Raxmanın parlamentə göndərdiyi layihənin qəbul edilməməsi ehtimalı, demək olar ki, sıfırdır...
Çox Oxunanlar
- 23-03-2024, 17:43 : Putin Rusiyada matəm elan etdi
Dünya / Xəbərlər
- 16-03-2024, 09:49 : Forum iştirakçılarının sayı rekord həddədir
Analitika / Xəbərlər
- 25-03-2024, 17:57 : Terror aktından sonra bu şəxslərə nəzarət gücləndirildi
Dünya / Xəbərlər
- 1-03-2024, 16:14 : Xərçəng xəstəsi olan Zeynəbin səhhəti pisləşdi
Şou-Biznes / Xəbərlər
- 1-03-2024, 16:44 : İcra başçısı Milli Məclisin deputatı ilə birlikdə Qaradağlı kənd tam orta məktəbində mövcud şəraitlə tanış olub
Bölgə / Xəbərlər
- 26-03-2024, 17:50 : 14 yaşdan kiçiklər üçün sosial media qadağası
Sosial / Xəbərlər
- 13-03-2024, 12:37 : Beynəlxalq hüququn normaları Azərbaycanın tərəfindədir
Analitika / Xəbərlər
- 1-03-2024, 19:46 : Qəzzada həlak olanların sayı açıqlandı
Dünya / Xəbərlər
- 23-03-2024, 15:23 : Bu ərazilərdə yaşayanların NƏZƏRİNƏ
Sosial / Xəbərlər
- 5-03-2024, 14:57 : İcra başçısı Milli Məclisin deputatı ilə birlikdə şəhid anası Sitarə Əzizovanı 70 illik yubileyi münasibəti ilə ziyarət ediblər
Bölgə / Xəbərlər